વહુજીને આ સાસરું અણગમતું લાગે- વિજય રોહિત

મિત્રો, ગીતગુંજન પર આપના પ્રતિભાવથી ભાવ બેવડાયો છે અને વધુને વધુ સારા ગીત ગઝલ આપ સમક્ષ લઈ આવવા પ્રેરાયો છું તો આપણે સર્વ આ જીવનપર્વ ઉજવીશું અને સ્રષ્ટાના આભારી બનીશું એ જ મનોકામના…..દિલીપની. આ પછી રજૂ કરીશ,… મનગમતું હિન્દી ગીતગુંજન અને પછી માતૃદિનની કૃતજ્ઞતા પ્રગટન માટે ખાસ ગુર્જરીગીતગુંજન !!!

વહુજીને આ સાસરું અણગમતું લાગે……

મિત્રો, આપ સમક્ષ રજુ કરુ છું પંખીડાને આ પિંજરુ ની

પ્રતિરચના જે વિજય રોહિતે કરેલ છે

વહુજીને આ  સાસરું અણગમતું  લાગે

ઘણું એ સમજાવ્યું તોયે વહુજી નવો ફ્લેટ માંગે…. વહુજીને આ સાસરું

હૃદયે  અંજપો  એને  દૂર  ક્યારે  થાશો

એકલા રહીશું સૌથી સુખ સાચું જાણજો

પોતાનું જ વિચારે, ન એ  કોઈનું  માને

ઘણું એ સમજાવ્યું તોયે વહુજી નવો ફ્લેટ માંગે…. વહુજીને આ સાસરું

રડતા-કકડતાં  એ  તો સળગાવે  ચૂલો

કેટલું  કહું છું  તોયે  રોજ  કરશે ભૂલો

પ્રેમથી  રહીએ સજની, કુટુંબના કાજે

ઘણું એ સમજાવ્યું તોયે વહુજી નવો ફ્લેટ માંગે….વહુજીને આ સાસરું

Thx a lot for your appreciation and comments.

vijay rohit
sub editor
feelings, Baroda

- વિજય રોહિત (મો : 0990 950 2536)

http://vijayrohit.blogspot.com/2010/02/blog-post.html

સમય બદલાતા સંદર્ભ પણ બદલાય છે ગઈ કાલના બાજઠિયો,  ઝૂલો અને વીંઝ્ણો તેનું સ્થાન આજે આધુનિક ઉપકરણોએ લીધું છે..સોફા પંખાથીએ વિશેષ એરકન્ડીશન્ડ અને મોબાઈલ અને આઇપોડ આજ્કાલ વધુ દેખાશે પછી જુનું શરીર તજી નવા દેહસુદ્ધાની કામના રહે તો શુભ છે પછી વસ્તુની શી વિસાત નવીનતા આવકાર્ય છે પણ પ્રશ્ન પહોંચનો બની રહે છે… ત્યારે સમજાવટ પટાવત જરુરી થઈ પડે છે !! સુંદર હળવી રચના આપણી સમક્ષ લઈ આવ્યા છે વડોદરા સ્થીત વિજય રોહીતને અભિનંદન…

આ ગીત ગીતગુંજન પર રજૂ કરવા સંમતિ આપવા બદલ શ્રી વિજય રોહિત નો આભારી છું

આ ગીતનું મ્યૂઝીક ટ્રેક આપવા બદલ મૂબઈ સ્થીત ગાયકમિત્ર શ્રી પ્રકાશ થાડેકરનો પણ ખુબ ખુબ આભાર….

મિત્રો, હવે પછી રજુ કરીશ મારી ગાયેલ બેદાર લાજપુરીની રચેલ ગુજરાતી ગઝલ, શું કહુ શું શું નથી પરદેશમાં…..